الجزار
.. رواية الجزار
انتهيت حالا من رواية الجزار للكاتب العبقري حسن الجندى
بقول عليه عبقري .. طيب ليه !
لأنه عمل رواية رعب بكل معانيه .. نفسي , جسدي , دموي , الغاز , اطار بوليسي !
الرواية تتعمق فى النفس البشرية و تترك اثر كبير في النفس و ستغير تفكيرك فى اشياء كثيرة
من زمان مقرتش رواية رعب كاملة بالشكل دة .. حبكة و دراما و بعض الخيال
من الاخر هتقرا رواية اجنبية ينفع تتعمل فيلم اجنبي .. هتقرا رواية عن قاتل متسلسل
و قلما قرأنا هذا الأسلوب فى الأدب المصري .. حسن الجندي رائد ادب الرعب بدون منازع
بالاضافة للعبقريين .. الدكتور تامر ابراهيم و الاستاذة شيرين هنائي
لكن اسلوبهم مختلف تمام الاختلاف عن اسلوب حسن الجندي اللى ممكن يتسمى
الرعب الخام .. الرعب كما يجب ان يكون .. حبس الانفاس , التشويق , الارتجاف
من الاخر .. جرعة ادرينالين محترمة في الرواية دي :)
تقييمي 5/5 .. للنهاية المفاجأة الصادمة العبقرية من حسن الجندى
سلبيات الرواية : الغلاف .. منفر و صادم و "مقرف" .. و مكنتش عايز اجيب الرواية بصراحة علشانه لكن لما قررت اجيب الرواية و خلصتها .. فهمت انه انسب غلاف للرواية :)
ايجابيات الرواية : عمل ادبي رعب بكل ما تحمله الكلمة من معنى
ممتع , مشوق , يحتوى على لغز , اطار بوليسي درامي , جزء سياسي بسيط , قصة انسانية بدون مبالغة تجعلك تبكي :)
انصح بشدة بقراءة الرواية
ليست هناك تعليقات:
إرسال تعليق